ˆ~¤®§][©][ منتدى واحة الحاسوب ][©][§®¤~ˆ

منتدى علمي , ثقافي , تربوي , اكاديمي ...اهلا بك زائر
 
الرئيسيةالبوابة*س .و .جبحـثالتسجيلدخولمكتبة الصور

شاطر | 
 

 كلام غزاوي في قلب الحدث‏

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صدى الصمت
صاحب الموقع
صاحب الموقع


ذكر
عدد الرسائل : 1590
العمر : 33
الإقامة : فلسطين
العمل/الترفيه : استاذ جامعي/ جامعة القدس المفتوحة
المزاج : الحمدلله
منتدى واحة الحاسوب :
تاريخ التسجيل : 26/10/2008

مُساهمةموضوع: كلام غزاوي في قلب الحدث‏   الأربعاء يناير 28, 2009 7:24 pm




GAZA : Never Forgive, Never Forget .

واجا اليوم التنين و العشرين..
وكل يوم بنقول هادة أقوى يوم.. وأعنف يوم ..
لا بس بجد.. اليوم أعنف وأقوى يوم شفناه..
كنا نشوف أغلب القصف على التلفزيون .. هلقيت صار قدامنا مباشر..
طول الليل الدنيا تضوي وتطفي.. زي الألعاب النارية..
بس العالم الألعاب النارية عندها من الأرض للسما.. إلا في غزة.. من السما للأرض..
هيهم وصلوا تل الهوى.. يعني بشيكل بكونوا عنا.. مش بشيكل ونص حتى..
أنا قاعد عالكمبيوتر.. وأهلي كلهم مجتمعين قالبين محللين عسكريين.. وعاملين غرفة عمليات مشتركة.. ومستغربين اني قاعد عالنت.. على أساس إنو الدنيا حرب لازم أضل قاعد ألطم..

تلت أسابيع قاعدين في الدار لا طلعة ولا نزلة.. ولا شغلة ولا مشغلة.. فش كهربا ولا ميا.. من كتر الزهق من القعدة الواحد بتحير ايش يعمل في الدار..
مرات بقعد أعد البلاط.. ومرات أكم كسرة في الستارة.. وأحياناً بقعد ألعب في الجوال (في حال كان فيه بطارية).. أو بقعد أتشغل في واحد من اخواتي..
ما علينا.. الحلو في الموضوع انه شلومو بتبين حنيته في وقت الحرب .. بقولك حفاظاً على رفاهية الشعب.. اعطونا تلت ساعات تهدئة في اليوم.. الواحد يعمل فيهم اللي بده اياه..
وأحلى ما فيهم انهم مشكلين.. يوم من الوحدة للأربعة.. ويوم من التمنية للحدعش.. ويوم من العشرة للوحدة..
وبقولك احزر الفترة تاعت بكرة واتصل على رقم تلت تمنيات اتنين صفر وواحد احمر.. بتكسب جائزة..
والله الواحد بتحير ايش يعمل في التلت ساعات .. مسافة ما يفكر وين يطلع (على أساس ضل مكان في غزة الواحد يروح عليه) بكونوا خلصوا..
اليوم قعدت أفكر أفكر ايش أعمل.. لقيت احسن اشي أعمله اني أنام.. عشان الجو بكون هدوء وفش صوت قصف (نسبياً) ..
لأنه طول الليل صوت الزنانات بخليش الواحد يعرف ينام.. الواحد بحس انه في واحد بخرق في نافوخه بمقدح..

طول ما الواحد قاعد وهوة بسمع يا صوت صاروخ قريب.. يا بعيد.. يا بحس بهزة.. وبدينا نسمع مناطق غريبة صاروا يقصفوها..
مرة مقبرة.. ومرة صالة أفراح.. ومرة عمارة سكنية.. ومرة دار مهجورة.. أو بقصفوا مكان قصفوه قبل هيك (للتأكيد)..
طبعاً في هادي المناسبة بحب أتقدم بالشكر للطيار اللي بقصف بإنه بحدف صاروخ صغير عالدار قبل ما يجيبها نصين بالصاروخ اللي بعده..
شايفين الإنسانية لوين.. وبتقولوا عنهم عاطلين.. يعني اللي ما بصيده الصاروخ الأول.. معاه خمس دقايق ينفد بجلده قبل ما يجيب أجله الصاروخ التاني..
الأعمار بيد الله.. الواحد عنده يقين انه كل شي بأمر الله.. عالرغم بإنه الواحد بطل يخاف زي أول لما يسمع صوت صاروخ..
بس إلا إنه الخوف من انه الطيار أخو الشلن تحلو دارنا في عينه ويمزعنا صاروخ بحجة الغسيل اللي عالسطح بأثر عالزنانات..
دايما بحاول أواسي حالي بالمقولة اللي بتقول "متخفش من صوت الرصاص.. لأنه الرصاصة اللي حتقتلك مش حتسمع صوتها"..
بس هالمقولة بتنطبقش عالصواريخ.. ولا ايش رأيكم..؟

أكتر اشي بكيف عليه لما يرن تلفون الدار.. بنصير نتقاتل مين يرد عالتلفون أنا واخواتي.. عشان نحكي مع الناس اللي بتصلوا من الدول العربية..
كل واحد وحظه.. يطلع الإتصال من المغرب.. الجزائر.. مصر.. ليبيا.. السعودية.. السودان.. أو يتخوزق ويطلعله واحد بقولك جيش الدفاع الاسرائيلي..
ويطلع الشب بحزرك انه يكون عندك سلاح.. أو تتعامل مع واحد من المقاومة..
بس اليوم حسيت انه فش إلا تلفونا بكل غزة.. مسكتش وهوة يرن..
- ألو السلام عليكم...
- وعليكم السلام..
- معك فلانة من ليبيا.. الله معكم.. الله ينصركم.. الله يقويكم..
- تسلمي يا حجة.. إدعولنا..
- الله ينصركم ويحفظكم..
- يلا سلام عليكم..
- وعليكم السلام..
هادي عينة من المكالمات اللي بتوصلنا.. مع انها صغيرة وفهاش رغي وطق حنك .. إلا إنها بتحسس الواحد انه مش لحاله وفي حد معاه..
ويا حبيبي لو خلال المكالمة نزل صاروخ ولا الخمسمية تاعت الأباتشي اشتغلت.. شوف العياط على التلفون .. وبدل ما هما يصيروا يواسوك ويهدوا فيك.. احنا بنصير نهدي فيهم ونسكتهم..

لأ والشغلة الجديدة اللي غايظاني قصة الفسفور.. أنا طول عمري بسمع انه الفسفور في السمك.. وإنه مفيد للشسمو.. وكل ما الواحد كان ياكل سمك.. كان يحس حاله صار يضوي من الفسفور..
بس هان الوضع مختلف.. فسفور صح بخليك تضوي.. يعني أول ما تيجي عليك قذيفة فسفور.. وتهب فيك النار.. حيصير اللي يشوفك يقولك منور ياحج.. الله يلطف فينا..

طبعاً وقت الفراغ الواحد بحاول يستغله بإشي مفيد.. أنا استغليت وقتي برياضة جديدة.. وهية رياضة براميل الميا..
أول ما أفتح عنيا على طول بمارس الرياضة اليومية.. بطلع على سطح الدار بتفقد براميل الميا.. وقديش ضايل ميا.. طبعاً عن طريق الدقدقة على البرميل..
الواحد صارت أذنه موسيقية برميلية.. وصار من صوت الدقة على البرميل يعرف إذا كان فاضي ولا مليان (طبعاً هادي الكل بعرفها).. بس الجديد واللي اكتسبته مع الخبرة انه لو كان البرميل مليان أعرف أكم لتر ميا فيه..

أنا لقيت حالي لهلقيت عايش قلت أكتبلكم أحكيلكم عن وضعنا.. بكرة يمكن أكون عايش بس مش قادر أكتب.. أو مش عايش من أصلو..
إدعولنا.. إدعوا تنحل هالقصة على خير.. إدعوا للمقاومين.. إدعوا للشهدا.. إدعوا للجرحى.. إدعوا للناس الله يصبرها.. إدعوا للكل..
ونشوفكم على خير..

الرجوع الى أعلى الصفحة اذهب الى الأسفل
http://com-wa7a.yoo7.com/index.htm
همسة شوق
عضو مؤسس
عضو مؤسس


انثى
عدد الرسائل : 2085
العمر : 27
الإقامة : في مكان ما
العمل/الترفيه : طالبة جامعية
المزاج : كله ماشي
منتدى واحة الحاسوب : لِأنني أُنثى مُختلفة لَم وَ لن يَستطع أحَدٌ إستيعابي!
تاريخ التسجيل : 29/10/2008

مُساهمةموضوع: رد: كلام غزاوي في قلب الحدث‏   الأربعاء يناير 28, 2009 7:38 pm

الله يفك حصاركم ويصبركم
شكرا استاز ع الموضوع

_________________
الرجوع الى أعلى الصفحة اذهب الى الأسفل
لوتس
عضو جديد
عضو جديد


انثى
عدد الرسائل : 2
العمر : 25
العمل/الترفيه : طالبة
المزاج : متقلب
منتدى واحة الحاسوب :
تاريخ التسجيل : 19/01/2009

مُساهمةموضوع: رد: كلام غزاوي في قلب الحدث‏   السبت يناير 31, 2009 3:52 am

الموضوع: رد على كلام غزاوي في قلب الحدث...
يسلمو كتير استاذ يوسف على هذة الكلمات الرائعة.....
والله يكون مع اهالي غزة ..... انشالله يا رب.... silent
الرجوع الى أعلى الصفحة اذهب الى الأسفل
محمود عدنان
مشرف
مشرف


ذكر
عدد الرسائل : 301
العمر : 31
الإقامة : عزون عتمه
العمل/الترفيه : استاذ تاريخ
المزاج : رومنسي\\ هادىء
منتدى واحة الحاسوب :
تاريخ التسجيل : 31/01/2009

مُساهمةموضوع: رد: كلام غزاوي في قلب الحدث‏   السبت يناير 31, 2009 8:46 am

سلمت وسلمت يمناك...
لك كل التقدير مع فائق لاحترام...
ودي...
الرجوع الى أعلى الصفحة اذهب الى الأسفل
http://www.youtube.com/watch?v=jh17QCu0KY4&feature=related
فداء يحيى
عضو
عضو


انثى
عدد الرسائل : 55
العمر : 25
الإقامة : في داخل قصر كتبي
العمل/الترفيه : طالبة
المزاج : زهقانة من الدراسة او من الدنيا بشكل عام
منتدى واحة الحاسوب :
تاريخ التسجيل : 22/01/2009

مُساهمةموضوع: رد: كلام غزاوي في قلب الحدث‏   الأحد فبراير 01, 2009 4:30 pm

مشكور اخ يوسف
موضوعك حلو ومميز
ننطر جديدك
تقبل مروري عي طيات صفحاتك
تحياتي
ولك من كل الاحترام والتقدير
king
الرجوع الى أعلى الصفحة اذهب الى الأسفل
قطر الندى
كبار الشخصيات
كبار الشخصيات


انثى
عدد الرسائل : 1969
العمر : 31
الإقامة : بلاد الله الواسعه....
العمل/الترفيه : رئيس دولة .. قدمنا الاسنقاله
المزاج : ماشي الحال
منتدى واحة الحاسوب :
تاريخ التسجيل : 16/11/2008

مُساهمةموضوع: رد: كلام غزاوي في قلب الحدث‏   الأحد فبراير 01, 2009 5:19 pm



سبحان الله شر البلية ما يضحك بالرغم من حالتهم المحزنه إلنا انه معهم وقت ليحولوا كل شي صعب الي بسيط وعادي ( هاد هو شعب غزه )
الله ينصرهم ويفك حصارهم ويرحم شهدائهم ويشفي جرحاهم آآآآآآآآمين يا رب العالمين
مشكور استاذ يوسف موضوع كتير مميز وراقي
تقبل فائق الاحترام
الرجوع الى أعلى الصفحة اذهب الى الأسفل
 
كلام غزاوي في قلب الحدث‏
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ˆ~¤®§][©][ منتدى واحة الحاسوب ][©][§®¤~ˆ :: ˆ~¤®§][©][ الساحة العامة ][©][§®¤~ˆ :: الملتقى واحة الحاسوب الادبي :: منتدى همس القوافـــي-
انتقل الى: