ليش مش ماما& بابا!!!

ليش مش بابا وماما؟؟

بنوصل لسن من بداية المراهقة والله اعلم لمتى بستمر ، ببطلو الام والاب ملجأنا واصحابنا ،صحيح ما بنستغني عنهم والهم كل ود واحترام منا لكن:

بتصير البنت اذا زعلت دغري بتلجأ لصحبتها بفرحها ، بمشاكلها ، بحزنها، حتى بس بدها تنبسط تطلع مع صحباتها

والشب كمان بس يزعل دغري بسهر عند صحابو ، بفرح بركض الهم ، بدو ينبسط بطلع مهم

ياترى ليش؟؟؟؟؟؟

هل للأهل خطوط حمراء ممنوع نتخطاها؟؟؟؟

هل صار مواقف معينة بينا وبينهم اعطتنا صورة سيئة لتجربة ورفضنا نحاول نكررها؟؟؟؟

هل لآنهم بنظرنا سلطة والها عمر وبتنتهي؟؟؟

هل لآنو ومتل مابحكي الاغلب ما بفهمونا؟؟؟؟؟والمسافات بينا وبينهم ممكن توصل لجييييييييييييل بحالو؟؟؟

لآنو زمان اول تحول؟؟؟وماعاد ينفع فكرهم لهالزمن؟؟؟

يا ترى ليش يا شباب!!!!

[شكراً على موضوعك الجميل نجمة
بالفعل تساؤلاتك في محلها، لكن لذلك علاقة بالطرفين، الأبناء والأهل، فالأب غالباً ما يضع حدوداً بينه وبين أبنائه معتقداً بأنه إن اقترب منهم ذهبت هيبته! والأم ربما تقترب من الإبن أو البنت الأكبر ولكنها بعد ذلك "تغطس" في مشاغل الحياة والمطبخ والمناسبات الإجتماعية بعد أن يصبح لديها "دستة" من الأبناء، والأبناء لا يمتلكون المبادرة للحديث والاستماع في ذات الآن، فالأهل بحاجة للحديث كذلك، والأمر في النهاية يحتاج للوقت وفقط، فلو كان لدى الأب ساعة يتحدث فيها الى أبنائه بدلاً من الاندماج مع الأخبار، ولو كانت الأم صديقة لأبنائها لكانا الملجأ الأول، ولا أقصد أن يقضي الإبن أو البنت 24 ساعة في البيت، على العكس، فهم بحاجة الى تجارب واحتكاك بالحياة، والمتعة هي مع الأصدقاء الذين يماهوننا سناً وتفكيراً، لكن المهم أن يكون الملجاً الأهل، وأن يكونوا أصدقاء ناصحين.
أشكرك مجدداً
دمت بخير

يسلموووووووووووووووووووووووو

شكرا لك

همسه***العيون السود نور الموضوع بمروركن العطر

آنو زمان اول تحول

مشكووووووووره

هلاء هالحكي مو بينطبئ على كل الناس مكن الاغلب

انا الي صديق بحكيلو

بس كمان ما بخبي شي على اهلي

وبحكيلهم قبل ما احكي لصاحبي بكل شيء

يمكن في اهل ما بتتفهم البنت او الشب

او في اهل ما بتعرف كيف تعطي حنان او تعبر عن مشاعرها

واحيانا في بكون متعصبين زيادة

وممكن ازا ابنائهم عملو شي غلط يكون ردة فعلهم قاسية كتير

بدون فهم للموضوع او المشكلة

لهيك بعض الابناء او اغلبهم بيلجأو للناس خارج محيط البيت

هاي اهم الاسباب برايي

ومشكورة

سعدت بمرور اروع لاعضاء
نورتوا الموضوع بردودكم العطره

صح الشب أو البنت بيحسوا انو الاهل صعب يفهمو الي بيفكرو فيه بس بالنهاية بيحكولنا الاشي الصائب والصحيح والي بمصلحتك وووو.....

بس صاحبك الي بعمرك وبيفهم عليك ما يعطيك الاشي الصح والصائب لانو نفس مستوى تفكيرك.

والحياة اتقدمت وصار للاهل دراية بالتقدم والاغلب صارو يفهموا أولادهم بالطريقة الي بدهم اياها ويعطوهم الاشي الي بحاجة له وبالطريقة الصحيحة....

ومو انو ممنوع تحكي مع صاحبك عن شغلات خاصة لا لكل واحد فينا شغلات خاصة ,,, بس بالنهاية ملجأنا الاخير هو الاهل.

مشكورة نجمة وتقبل ِ مروري في صفحتك ِ

تشرفت بمرورك الكريم بنوته