همسة شوق عضو مؤسس
عدد الرسائل : 2085 العمر : 35 الإقامة : في مكان ما العمل/الترفيه : طالبة جامعية المزاج : كله ماشي منتدى واحة الحاسوب : تاريخ التسجيل : 29/10/2008
| موضوع: انا مش طالب توجيهي ...انا التوجيهي طالبني ... الثلاثاء أبريل 07, 2009 7:15 pm | |
|
الكل بيقلي خليك بدراستك ...فش زي الشهادة بهالزمان
انسى الطشات والسهرات.. .كأنك سجين والكتاب هو السجان
لا تشوف قرايب ولا صحاب ... لا تروح عالمطعم ولا عالدكان
اتغدى قوانين واتعشى معادلات... واشرب كاس من مرارة الامتحان
لا تلفزيون ولا كمبيوتر ... ولا حتى تلعب مع واحد حيوان
حتى الروحة على الحمام ... قبلها استدعى وبعدها اصدار بيان
نام متأخر واصحى مبكر.. .وجهك غسل واحلق بمعجون سنان
كامل فاضل ادرس ناضل ...قلمك حامل في وجه العدوان
ثابر تابع دراستك راجع ... لربك راكع انت وحدك كسبان
داوم واجه المشاكل قاوم ...كون عالم بعمرك ما بتنهان
ازا نجحت بتنفع حالك ... وازا بترسب ما بينفعم انسان
وقت الجد جد ومافي مزح ...انت مش عايش بعصر الرومان
امشي مع شباب درّيسة ... وسيبك من شلة الزعران
روّح على الدار طوّالي ... وفكك من معاكسة النسوان
هو صحيح الشغلة بتسلي ... بتشفي العليل وبتفرح الزعلان
بس التوجيهي تحدي ... ما بفوز فيه الا الزكي الفهمان
بكرة بتقول يا ريتني درست ... يا ريتني سمعتك وما كان اللي كان
أبوك بيقولك : يابا ياحبيبي ...ازا بتنجح بسفّرك علصين وعاليابان
وبجيبلك سياره اخر موديل ... فراري ,(( بي ام )), او حتى نيسان
وازا بتحب بجوزك أحلى بنت...حتى لو كانت بنت كوفي عنان
انت بس انجحوارفع راسي... ولا تفضحني بين الأهل والأخوان
ركّز بالحصة مع استازك ... تقضّيهاش لعب وسرحان
وبينزل فيك نصايح ... تقول واقف قدام لقمان
يا طلاب التوجيهي الأعزّاء .. .احلفكم باللله وبالأنبياء وبالقرآن
فش أحلى من النجاح ... حتى لو بيقلّعلك عين أو بيطيّرلك دان
لا ترسب وتعيد السنة ... تخلّيش واحد يكون فيك شمتان
بلاش تكون آخرتك بويجي ... أو صاحب بسطة أو بيّاع دخّان
******************************************
ما في أحلى من يوم الامتحان بالتوجيهي بروح الواحد من عالمدرسه يقدم الامتحان والرعب منتشر بكل مكان الاسئله بتوصل بسيارة مصفحة ضد الصواريخ وعليها حراسه مشددة والعمات والخالات والجدات بالبيوت كل وحدة ماسكه ( مسبحة ) من أم إل 99 حبه ونازله بتسبح وبتدعي لطالب التوجيهي وأوعك تكتب برصاص وخذ معك قلمين زيادة بلاش تنقطع وحل اللي بتعر فو واللي ما بتعر فو اتركوه للأخير والقاعة فيها 15 طالب عليهم 2 مراقبين ورئيس القاعة رايح جاي مثل أم العروس ومساعده عيونو يخوفوا
وممنوع تسأل المراقب ولا حتى تسلم عليه حتى الحمام ممنوع ألا بعد تفتيش شديد وبتروح لهناك ومعك مرافق بستناك خلف الباب ويوم الامتحان تعلن حالة الطوارئ في البيوت ممنوع استقبال الضيوف ممنوع التلفزيون ممنوع استخدام الكمبيوتر وعلى أبواب قاعات الامتحان الطلاب اللي وزنو نقص من الخوف والرعب وسمة البدن واللي وجهو اصفر واللي الو 3 أيام مش نايم واللي تعلم الدخان سنه التوجيهي والباقي يا عيني على الاكتئاب بوجوههم قصتنا قصه مع التوجيهي ..
| |
|
نجمة فلسطينية مشرفة
عدد الرسائل : 2405 العمر : 34 الإقامة : في ارض الله الواسعه العمل/الترفيه : طالبه جامعية المزاج : رايئه كتيرررررر_كول منتدى واحة الحاسوب : تاريخ التسجيل : 20/11/2008
| موضوع: رد: انا مش طالب توجيهي ...انا التوجيهي طالبني ... الثلاثاء أبريل 07, 2009 7:24 pm | |
| معاك حق في كل كلمه حكيتها همسه هاد هو واقعنا بالزبط
الله ينجح كل الطلاب يارب وما يرسب حدا
يسلموووو ايديك همسه بوركتي | |
|
قطر الندى كبار الشخصيات
عدد الرسائل : 1969 العمر : 39 الإقامة : بلاد الله الواسعه.... العمل/الترفيه : رئيس دولة .. قدمنا الاسنقاله المزاج : ماشي الحال منتدى واحة الحاسوب : تاريخ التسجيل : 16/11/2008
| موضوع: رد: انا مش طالب توجيهي ...انا التوجيهي طالبني ... الأربعاء أبريل 08, 2009 2:05 am | |
| ما بعرف ليه كل حالة الرعب هاي الي بتخلق جو عصبي للطلاب وبتخليهم يتوتروا اجباري لو بتعاملوا مع الموضوع بشكل عادي سواء الاهل او الطلاب والمراقبين الكل بينجح من دون هاي اللبكه كلها ضرور منع التجول والسياره المصفحه وما بعرف شو كمان !!!!
الله ينجح كل الطلاب ان شاء الله وأولهم اخوي...
يسلموووو همسه على الموضوع | |
|
همسة شوق عضو مؤسس
عدد الرسائل : 2085 العمر : 35 الإقامة : في مكان ما العمل/الترفيه : طالبة جامعية المزاج : كله ماشي منتدى واحة الحاسوب : تاريخ التسجيل : 29/10/2008
| موضوع: رد: انا مش طالب توجيهي ...انا التوجيهي طالبني ... الجمعة أبريل 10, 2009 5:20 pm | |
| الله ينجح الجميع يسلمو على مروركم | |
|