بيت واحة الحاسوب بيتك

تذكير بمساهمة فاتح الموضوع :

اللعبه عجبتني جدا

وهي عباره عن
ان كل اعضاء المنتدى يكونو اخوات في بيت العيله

كلنا في بيت واحد

وبيبقى في حوارات ومشاكل مع بعض

مثلا

س: واحد يصحي اخوه ويقوله جعااااااااااااااااااااااااااان قوم اعملي افطر

ج : ويجي العضو اللي بعده يقوله خليني انام اشوي انت ما بتشبع ....
تخيل كانك في بيتكم وخلينا نشوف شو الي رح يصير

وهكذااااااااااااااا

طبعا هيك اللعبه ممكن تكون مفهومه
اي شي ييجي على بالكم قولوها بس طبعا لازم نحافظ على الاخوة اللي بينا

ههههههههه خلص امري لله رح ارد هالمره بس لا تظلكم تغلبوا فيه كنوا واهدوا Laughing

اي خلص موافقه الاضراب هالمره بس لمده يوم واحد فقط وخلي هتلر يعمللكم معكرونه واحكولي رح توكلوا اصابعكم وراها ولا لأ؟؟!! Very Happy

اي كتير منيح لبعد العيد بلكي على الله يكون الجو بردله اشويه Exclamation

ههههه يسلمووو ايديك بس عشان انا ما بشرب ميه متلجه كتير لهيك عم احكيلك لانه في بعض ناس بحكيلهم جيبوا ميه مو تلج بعملوا العكس Very Happy

اكيد بعرفوا حالهم Smile

اي الحمد لله خلصنا قبل ما يزمر وهلأ اقعدوا استغفروا لحتى يأذن المغرب Very Happy

انت رح توصلنا كتر خيرك كتير منيح بس خلص حالك بكير مو كالعاده ساعه وحضرتك بتلبس Laughing

بجامع ثابت بتعرفه؟!!اكيد لالالا طبعا بس انا بدلك عليه Very Happy

بنص البلد تقريبا

لالالا ما بدي بالمسجد الي عند بيتنا لانه صوت الامام مو حلووووو والواحد ما بخشع بالصلاه Very Happy

اي طبعا رجلي على رجلها لورد ما بقدر استغني عنها Very Happy

اااااااااااااااااااامين يارب العالمين الجميع يارب

يالله بسرعه شغلو ا التلفزيون على بااب الحاره هلأ ببلش حلقه اليوم حلوه كتير بس عنجد يا ترى وين راح ابو شهاب؟؟؟؟؟يا خوفي يكون ميت!! Sad

أو اسير !! Sad

يا دلي عليه .....ما بدي اقول الا منه لله بسام الملا Sad

الله اعلم انشاء الله اتكون الطبخة عاجبتكوووم بس اوعكوم توكلو اصابعكم وراها

هههههه زي مين ... مو يكون قصدك عني حرام عليكي انا ما بحب اضر حد

يلا ادعو معي .... هدول الدعائين بنحكيهن قبل الافطار :-
الدعاء الاول : (اللهم لك صمت , وعلى رزقك افطرت )
الدعاء الثاني : (اللهم لك صمنا , وعلى رزقك افطرنا ,فتقبل منا انك السميع العليم )
يلا ادعو معي .... هاد الدعاء رح نحكيه بعد الفطور :-
(اللهم عاملني واهلني في الدين و الدنيا والاخرة بما انت اهله ولا تعاملنا بما نحن اهله انك انت اهل التقى والمغفرة)

الله ايكثر خير الكل ... حرام عليي انا مو بنت لاقعد ساعة انا بخمس دقائق بكون جاهز من كل شيء

بجامع ثابت يعني مو متحرك والله ما بسمع بهاد الاسم ولا بعرف وين هوي .. خلص انتي بدليني عليه

هههههههه يما عليكي ... مو مشكلة المهم انك اتصلي يلي بريحك اعمليه

والله نيالك فيها يا ست ورود شو بدك احلى من هيك نجمة .. يا عمي انشاء الله ما رح تستغني عنها للابد

آآآآآآآآآآآآآمين من ثمك لباب السماء

اي لنشوف هلا بنسالهم وبنشوف يا ورود يا حوبه شو رايك بالطبخه؟؟؟؟هههههههههههه شو ناسي انت انه ورود ما بتحب المعكرونه يعني اكيد هلأ مضربه عن الافطار يالله بعينك الله اطبخلها طبخه تانيه بتحبها Laughing

متل دواليه او مقلوبه او اي شي ما بدي اغلبك Laughing

فطور وافطرنا وصلاه وصلينا والحمد لله وشو هلأ بدنا نعمل؟؟؟؟؟؟؟شو رايكم نطلع مشوار لانه زهقانه كتير انا........بس اوعكم حد يقولي
تعالي على دور يعني تعالي انزور فلان او علان زهقان البيوت انا بدي هيك بالشوارع او الحدائق او كفتريا او.........اي شي المهم مش بيت Very Happy

بنعمل هيك جوله بالبلد وبنشتري بوظه Laughing

نتسلى فيها وبنروح شو رايكم؟؟؟؟؟

ما حد يقولي بدنا نحضر باب الحاره؟؟؟؟؟بعدين بنحضره ملحقين عليه بنعاد عشرين مره باليوم على مليون قناه فضائيه

بس قبل المشوار في جلي الفطور مين بدو يجليه؟؟؟؟!! Laughing

ليكون رح يظل هيك؟!ممنوع نطلع من البيت الا كل شي مرتب ونظيف وهلأ يالله حد يلحقني على المطبخ يساعدني بالجلي لانه كتير

خلونا هلأ نتفق على فطور بكره ان شاء الله والحو كمان شو بدكم تفطروا وتتحلوا؟!!! Laughing

يسلمو ايدك على الطبيخ ما اني ما بعرف طعمة لاني ما بحبه بكفي اشربت شوربة وعملت صحن سلطة واكلته

شو يا نجمة ما بدنا انروح على جامع ثابت بدنا نروح على جامع فريال احسن خلينا انغير

على هوى طبيخ بكرة شو رايكم نوصي على طبيخ جاهز والحلو شو رايك نجمة تعمليلنا كيكة البوظة شو رايكم

يلا نجمة هيني لاحكتك على المطبخ والباقيين بمسحوا الطاولة وبرتبوا البيت عشان نخلص وما نتاخر عن الصلاة

بعدين مسلسل باب الحارة بنحضروا على الصحور لما نتصحر

شو رايكم بعد ماخلص صلاة انروح على الكفتيريا الي عند الحديقة
البوظة الي عندهم طيبة كتير

اهااااااا صحه وهنا ورود
ممممممممم ليش؟؟؟؟......بس هاد بعيد ابعد من مسجد ثابت على كل حال مو فارقه المهم نصلي

ياريت والله لانه الواحد بزهق من الطبيخ اي انا موافقه على فطور جاهز وجهزوا حالكم هتلر ومحمد على الدفع Laughing

اي موافقه كل هالطلب من هالطلب غالي والطلب رخيص كتير سهله من عيوني التنتين ورود هلأ رح ابلش فيها عشان تلحق اتلج من هون للمغرب بس للاسف Sad

ما عنا حليب ولا كريمه يالله هتلر بسرعه روح اشتريلنا هالاغراض هدول سهلات وما بدهن تعب وفر بالسوق لا موجودات بالدكانه الي حدنا روح ولا تقعد ساعه كالعاده Laughing

بدي اعملها بسرعه

اها اي كتير منيح
يؤيؤيؤ هلا احمدي الله انه لسه بنتسحر وانتي بدك اتحضرينا باب الحاره على السحور!!مو معقول خلص بنحضره الظهر مو على السحور مين هاد الي بصبح مفتح عيونه ويحضر ؟!!...........بس بنحضر مسلس صبايا مو باب الحاره Laughing

انا موااافقه اوك بنروح ليش لالالالالالا تغير روتين

وانا موافق على الفطور الجاهز ورح يون الفطور على حسابي شو رايكم .. انا بخيل .صح

على اساس ما بتحبي الشيء المتلج الله ايعيني على حالي هيني رايح اجيب الغراض خمس دقائق بس
لا ما بقعد ساعة هياني راجعلكوم بسرعة

انا ما بقدر اروح لاني معزوم عند الاستاذ يوسف يلا بدي اروح اتونس فيه باي

بشوفكوم على الفطور القادم

اليوم مسلسل عبوود حلقتو حلوة كتير احضروها .. بيجي على قناة سوريا .. على الساعة 4 العصر

يلا عن اذنكوووم اسمحولي

اهاااااا اوك كتير منيح ........لالالالا مو بخيل بس بعد ما تجيب الفطور بنحكي اذا بخيل او لالالالالالالا Laughing

ههههههههههه اي صح بمرض بعدين اذا شربت شي متلج كتير بس هاي بوظه مو مشكله وبعدين الدنيا ناااااار لا تطاق شو رايك اشرب ميه سخنه؟؟؟؟؟؟!!وما اكل شي متلج!! Surprised

يا سلالالالالالالام يا سلالالالالام وليش ما اخذتنا معك؟!! ولا بس شاطر تحكي لنجمه خذينا معك على العزومه !!!! Laughing

زماااااااان هاد المسلسل من سنه النكبه Laughing

مو جديد ومو من مسلسلات السنه

اذنك معك طبعا بس ما تنسى تجيبلنا شي وانت جايه طبعاااااااا مو حلوه ترجع و ايديك فاضيه Laughing

ساعه لتفتحوا الباب!!! Twisted Evil

الي ساعه واقفه وبرن على الجرس وما حد برد!!!منكم لله وين كنتوا .....طرشانين بكير شكلكم؟؟؟ولا يا عمي لما صوت التلفزيون موصل لاخر الحاره كيف رح تسمعوا رنه الجرس!! Mad

وهاتولي الريموت اتفرج أنا واخواتي البنااااات ع التليفزيون هلأ مبلش حيلهم بينهم كمان وكمان .......بلا مباراة ولا شي شايفين الفوضى اللي انتو عاملينها... Twisted Evil

وبعدين يالله الكل على النوم عليكم مدرسه الصبح ناموا بكير عشان تصحوا بكير Laughing

بلكي راسي ارتاح اشويه من ازعاجكم Laughing

..

اي شباب هاي الي اول مشاركة بهاد الموضوع وبهاي المناسبة انا عازمتكم عندي على الفطور
والي بدكم اياه رح اعملوا ايش رايكم بهاد الكرم الي نزل علي مرة وحدة؟ Very Happy

يؤ يؤ يؤ علينا اذا انا مو بخيل لكان ليش بدك تاخذي راي الكل ... يلا احكو انا بخيل ولا لاء

اها اذا الثلج بضر بصحتك (اللهم عافينا)انا بحكي اشربي مية سخنة و ما في الك بوضة لانها ثلج تقريبا لاني بخاف على صحتك وصحة الكل و ما بحب انو حد يصيبو الضرر وانا موجود

ههه هاي عزووومة خاصة بس خلص تكرمو رح اعزمكوم معي المرة الجاي لانو رحت على العزومة

ههههه مو مشكلة انا المسلسل اعجبني لانو من سنة النكبة

ولو نجمة تكرمي رح اجيب معي جاتو و بقلاوة و (الحلويات) بالمختصر المفيد

انا كنت نايم يعني ما الي ب هل الطبخة .

اهاا مو غلط خذي الريموت و اتفرجي انتي واخواتك على التلفزيون انا رح اطلع مشوار وبرجع

يما عليكي انتي يا نجمة ابتعملي من الحبة كبة هههههههههههههه

هههه انا ما بحسن انام لاني بضلني اقلق بالليل

اها يعني بدك راسك يرتاح من الازعاج ولا يهمك رح اجيب بكرا دي جي عنا

اول شيء نورتي البيت بوجودك الطيب خيتي رقيقة

والكل يرحب فيكي في البيت الواحة .. يعني هون الكل اخوة

تاني شيء ريتك سالمة على العزومة المفاجئة

يلا شو الاغراض يلي بتوصيني عليهن من الدكان بمناسبة العزومة الحلوة

يلا نجمة انتي و ورود رحن على المطبخ مع رقيقة ساعدنها مو اتسعدنوها

انا بدي انزل على السوق اجيب اكمن غرض للبيت و بدي اجيب كمان الحلويات يلي قلبقم بحبها

اتوصوني بشيء ..................!

يا عمي الكرم دايمن بينزل على الشطوووووووووورين

اول شي منور بوجودكم وان شاء الله انا بنكون اعز من اخوة كمان
وتاني شي الله يسلمك يا رب انتوا تستاهلوا اكتر من هيك
ويسلموو ما بدي أغلبكم بشي

اهلا وسهلالالالالا يا هلا وغلا وحلالالالالا برقيقه معنا هون في بيتنا بحكي ليش منور البيت!!! Laughing

تسلمي حبيبتي على العزومه بس نحنا ما بدنا نغلبك بعرف انه غلبتنا راحه وبسكوت كمان Laughing

على كل حال متل ما حكى هتلر نحنا هون اخوه وفي بيت واحد يعني بنتساعد وبنتقاتل وبنتخانق و.............عادي جدا جدا Laughing

اي سيد هتلر اطلع حالك برا الطبخه كلها ال شو نايم ال ليش انتو بتخلوا حد ينام في هالبيت؟!!!

يؤيؤيؤ هلأ هاد الي طلع معك دي جي!!!حرام عليك منك لله

لالالالا ما تجيب شي خلص بكفي رح انريحك اليوم من الاغراض والمشاوير نشفق عليك Laughing

حرام رمضان الدنيا والمعامله مع الله Very Happy

اي شطور روح اطفش خلينا نرتاح اشويه صح يا صبايا بدنا نعرف نحضر هالمسلسل وانت لسه بتحكي وبتحكي وانا مليون مره حكيت بس يبلش المسلسل ممنووووع الحكي

على فكره يسلمووو ايديك على الحلويات طيبات كتير Smile

أنا 100 مرة قلت ما حد يشيل البلفون بتاعي من الشاحن وبرضو ما حد برد ولا بسمع الكلام؟؟؟؟؟؟؟!!شكلي رح أكهرب البيت كله عشان تتعلموا Laughing

وهتلر بلشت المدرسه يعني التهي بدروسك اشويه بدنا نرفع راسنا في اخونا وشهادتك الي بترفع الراس ال يعني يا خوفي العكس Exclamation

ويالله اتفضلوا احكولي شو بتحبوا تفطروا اليوم وتتحلوا طبعا؟!؟؟

ورقيقه الاحساس وورد المحبه حضروا حالكم اليوم بعد الافطار بدنا ننزل على السوق نشوف البضاعه الجديده للعيد عشان نقرر شو نشتري اوك بس هتلر يقعد في البيت لانه ما اله طولة بال وبدو يروح بسرعه ونحنا ما بمشي معنا هيك لازم نتفرج ونقيس على راحتنا Smile

اول شي هلا بيكي حبيبتي البيت منور بيكم
تاني شي عزابك راحة ولو انتوا اغلى من هيك عندي واحنا ان شاء الله اعز من اخوة كمان
ومن شان هتلر انا حكيتلوا ما بدنا نعزبك بشي وهوي فعلا رمضان كريم ومعاملة
اي نجمة شفتي ما اطيب الحلويات الي جابهن هتلر شي ناهي بس يا ترى من وين اشتراهم Exclamation

ومن شان المسلسل انا بحكي انه هتلر مسكين
خلص نجمة خلي يحضر معنا وانا متاكدة انه رح يضل ساكت وما يحكي مو هيك هتلر
اي ومن شان طبخة اليوم اختاروا الطبخة الي بدكم اياها من شان نتساعد ونحضرها
والحلويات اكيد على هتلر يجيبهم مو هيك Smile

اي وكمان يا هتلر متل ما حكت نجومة لازم هلا تلتهي بدراستك وتدرس كويس من شان ترفع راسنا اي
اي حبيبتي نجمة انا من جهتي جاهزة للنزل على السوق بس ان شاء الله انه يكون في اشي يعجبنا مو نزلة على الفاضي
ومن شان هتلر انا بفضل يجي معنا مو حلوة يضل لوحده بالبيت منه بغير جو ومنه بيساعدنا بحمل الاغراض
ولا ايش رايك انتي ما تخافي رح ناخد راحتنا بالمشترى والقياس ولا يهمك
وما تنسوا تحكولي ايش بدنا نحضر طبخة اليوم من شان نتساعد اوك يلا بشوفكم

اها ... يا الله يعني انتي يلي بتخلي حد اينام

اها ... مهوي بدي اجيب دي جي من شان نسمع قرآن و نكسر التلفزيون

هههههه ... تشفقو علي .. ههههه .. يلا منيح من وين اجتني هالشفقة

يما منك .. طيب احكيلي وجودك بالبيت معكر مزاجنا .. ساعتها رح اتركو وروح

وايديكي ... منيح يلي اعجبتكوم حلوياتي .. انا فكرة انهن ما اعجبنكوم

يختي عليكي .. وتلفوني كيف بدي اشحنو :roll ما بتقدري اتكهربي البيت لانو الكهرباء ما بتستجيب للبنات

انشاء الله نجيب يلي فيه الخير وينرفع راس الكل .... ليش يا خوفك العكس

مممم بنا نفطر زيت و زعتر يلي من ايديكم حلو

اها اوكي نجمة رح اضل بالبيت مع اني زهقان كنت حابب اتسلى معكوم .. خلص بتسلى مع حيطان البيت احسن

اها بجد طيبات .... انا جبت الحلويات من عند ابو جبارة مع اني ما بعرفو

امر لله رح اجيب حلويات

زيت وزعتر

ماشي رقيقه عشانك هالمره رح اخليه يحضر معنا ولو انه مزعج........ اعطوني شب او ولد ما بشاغب ما بقدروا يقعدوا هادين لازم يشاغبوا Laughing

في دمهم هاد الشي Laughing

اسمع قران ومين ماسكك وانا بحط على محطه قران برجع وبلاقيها مقلوبه المحطه ومحطوط على شي تاني وما بعرف مين بغيرها؟؟؟؟؟!!

لالالالالالالا ما بدي تطلع من البيت لانه بدي اياك تدرس وترفع راسنا وما بدي اكتر من هيك وما بدي تروح مع شلتك كالعاده لانه بتنسى حالك بس تروح عندهم ونحنا بنقعد نستنى بحضرتك اتشرف حتى نفطر او اذا كنا موصينك على اغراض سنه لترجع

دبر حالك شو دخلني انا!!يعني يخرب بلفوني بس عشان اتظلوا اتشلوه من الشاحن!! Exclamation

ههههههههههه يا خوفي العكس لانه ما بشوفك بتدرس بس انا بقولك ما تدرس هلأ لسه بكير لسه السنه باولها كمان اشويه بتشد حالك Laughing

شايف ما احسني انا ما بدي اغلبك والله بيني وبينك الدراسه بتزهق وبطلع الروح كمان خصوصا لما ما يكون جاي على بال الواحد يدرس ويكون بدرس من دون نفس Laughing

كتر الله خيرك بس افطر لحالك زيت وزعتر اما انا فلالالالالا لانه ما بصوم وبفطر على بصله طبعا كله نعمة كريم والحمد لله على كل شي بس انا جاي على بالي مقلوبه شو رايكم وبنعمل شوربه معها كمان؟؟؟؟؟

بالنسبه للحلو لالالالالا ما بدنا حلو جاهز لانه ازهقنا شو هاد لسه كل يوم كنافه وفطاير وما بعرف شو ما بدي جاي على بالي نواااااعم شو رايكم نعمل نواعم كتير طيبه خصوصا من تحت ايدي Laughing

رح توكلوا اصابعكم وراها Laughing

ههههههههههه خلص قطعت قلبي تعال معنا بس مو تقعد تنق لانه بعرف انتو الشباب ما الكم روح للفر والتسوق وال نحنا بنغلب ال هيك انتو بتحكوا Laughing

اعرفت تنقي والله ابو جباره في الحلويات وبس طيبات كتير يسلموو ايديك

طيب يالله لشوف ورود ورقيقه على المطبخ لتحضير الطبخه امتى رح نلحق انخلص ونفرم سلطه ؟؟؟؟؟؟؟؟ ...... طبعا ما بدي اوصي ما تتخانقن وانا بدي اروح على الجامعه ضروري وبرجع وما بطول انتن بلشن وانا بكون صرت راجعه Laughing

.......واذا حد اتصل وسال عني بتعرفوا مكاني

هتلر هات مصاري Smile

بدي اروح واروح بسياره لانه الدنيا صيام والجو ناااااااار بعدين بعطش Laughing

وين مفاتيح البيت الي الي لانه يمكن بس ارجع يكونوا بعض ناس نايمين وما حد يرد على الجرس كالعاده Laughing

وهتلر شو ما بدك اعمل بس ابعد عن المطبخ لانه حالة طوارىء فيه Laughing

ولما تنزل على الشارع جيب معك علب لبن وجيبلي علكه كمان معك Laughing

اهلا وسهلا فيكي رقيقة بالبيت منور البيت
شو يا هتلر الله يرضى عليك بدك تجيب دي جي كمان والله شطور اي جيبه بس لما بدك تسمعه ادخل في الغرفة وعلى راحتك اسمعه لاني ما بحب الازعاج والضجة اي ليش هتلر احنا مغلبينك اذا مغلبينك معنا احكيلنا ما بدنا نغلبك بدنا راحتك ولو
يؤيؤيؤ وين تروح وبعدين مين حكى انك وجودك بالبيت معكر مزاجنا صحيح انتا بتعايه شوي بس لا معكر مزاجنا ولا شي
اها طيبات اكتير الحلويات يسلم ايديك بس كيف ما بتعرفه لكان مين الي جابهم

اي شباب شو شايفكم متقاتلين على شحن الجوال
ما بتخلوا حدا ينام مالكم بدنا ننام يا عمي بدنا نرتاح شوي ايش هاد
وبعدين خلص ولا يهمكم انا عندي شاحنين بجبلكم واحد منهم بس ما تتقاتلوا اي
هلا ايش رح نحضر فطور لبكرا انا والله حابة نعمل مخشي باللبنايش رايكم وطبعا اكيد مع سلطات ومخللات واكييييييييييييد الشوربة Laughing

ومن جهة الحلويات بدي همتك هتلر بدي تجيب وانت رايح على السوق تروح على ابو جبارة لانه حلوياته كتير زاكية وبدي تجيب معك من هناك اكلة بين نارين لانها كتيييييييييييير طيبة
اي وكمان بدنا تروح على سوق الخضرا لانه لازمنا عدة التبولةهاد يا سيدي ناقصنا
1*خيار
2*بندورة
3*ملفوف احمر
4*خس
5*نعنع
6*بقدونس
7*فليفلة مشكلة

وكمان ما تنسى تروح على السوبر ماركت وتجيب كيس برغل وما تنسى تجبلي معك رقائق بطاطا من شان نتسلى مع بعض احنا والبنات واحنا بمنتابع المسلسل

اي شايفة انتي شو نجمة بتعمل .. دايمن ابتعمل من الحبة كبة

بخصوص الطبيخ انا مو فارقة معي لاني يلي من ايديكم حلو .. يا الله لو الكل متلك بيحكي معي هيك

ولا يهمك رح اجيب كل الاغراض من اعيوني التنتين

اوكي رح اروح على السبر ماركت واجيب البرغل و رقائق البطاطز و رح اجيب كمان بزر من شان انكمل السهرة

يؤيؤيؤ منك لله هتلر اي هلأ انا الي بعمل من الحبه قبه؟؟!!!

هلأ هاد الي طلع معك رقيقه؟؟؟؟؟هلأ مو شايفتيهم بس احط جوالي دغري بشيلوه وال شو بدهم يشحنوا موبايلاتهم؟!! ما بصير هيك انا مظلمومه والحق عليهم Laughing

انا ما بدي شي لانه شاحني معي Razz

مخشي باللبن!!قصدك مخشي؟؟؟(شيخ الكوسا)...ممممممممممممم انا باكلها لهالاكله بس مو كتير..... بس جاي على بالي مقلوبه وما بدي مخشي
والحلووووووووو مني حكيت نواعم ليش ما بتسمعوا الكلمه انتو اه؟؟؟؟؟؟؟؟؟؟!! Twisted Evil

اتركوه لابو جباره خلصنا لسه كل يوم من عنده حلويات بكفي عاد ازهقنا وما بدي حلويات من برا انا بدي نوااااااعم وبس Laughing

واااااااااااااااااااااااال كل هاد على هتلر حرام عليكي اشفقي عليه اشويه واعتقيه للصبي Laughing

هتلر ما ترد عليها وانسى وما تجيب شي لا حلو ولا شي بس جيب اغراض التبوله لانه بحبها كتير Laughing

وما تنسى التمر هندي والكولا Laughing

خلص قررنا مقلوبه والحلو نواعم وحاجه لسه عم تتشاوروا اذن العصر وانتو عم تتشاوروا

وست رقيقه انتي والست ورود شو شايفه مو عاملات شي بالليبت؟؟؟؟؟؟يعني لا شطف ولا جلي ولا شي بس شاطرات بالنوم والتلفزيون واللعي الفاضي
هلأ رحت على الجامعه وارجعت وانتن مو عاملات شي بالبيت؟؟؟؟؟؟؟!! Twisted Evil

حد يكويلي الطقم النهدي لانه رح يجوا عنا ضيوف اليوم بعد الافطار Laughing

جهزوا حالكم ليكو معكم خبر
هى ما في شي بظل فى مكانه فى البيت هاد
يييييييييييييييييييييييييييييييييييييه يلا بسرعه حد يشوف شالي النهدي وينه؟ّّّ؟!!

لا لا لا لا بجوز انا

انا جبت شاحن لالي .. واخيرا اخلصنا من مشكلة الموبايلات

يلا انا معك يا نجمة فلسطين اليوم مقلوبة بس يا ريت اتكثرو السلطة لانو المقلوبة بدون سلطة ما الها طعمة

اه يا الله شو هالكرم هاد يا نجمة الحلويات انتي بدك تعمليها .. .. .. الله يستر كيف يكون طعمهن

لا ولو نجمة هاد واجبي اتجاهكوم .. بعدين اذا انا ما قمت بهاد الواجب مين بدو يقوم فيه

انا رح اجيب كل الاغراض يلي وصتوني عليها انتي و رقيقة .. بس ما رح اجيب الحلويات لانو اليوم بنا ناكل حلويات السنة من تحت ايديكي يا نجمة

وانا معك نجمة .... بس انشاء الله ما يكون في حد محتج على الطبخة

اها مهوي ما اعملن شيء لانك مو هون .. اجين تيشتغلن بالبيت حكتلهن لا تصبن شيء عبين ما تكون نجمة هون لانها هية مديرة اعمال البيت ... ومنو كمان بتساعدن بعض الثلاث وانا بكون نايم من التعب

يما رحت فيها انا ... انشاء الله الشال الك .. الشال شفتو امبارح على الطاولة فقمتو من على الطاولة و رميتو برا البيت

خلص ما تعصبي علي رح اجبلك 100 شال بكرا بس لا تعصبي

ومين هالضيوف يا نجمة يلي بدهوم يجو فجأة

اي شباب كيف الاكل كان اليوم اممممممممم لزيز
اي وهلا ايش قررتوا نتسحر الليلة وبعدين كم مرة حكيتلكم عيروا الجوال ليفيئنا على السحور كم مرة؟؟؟؟؟؟
وايش بدنا نطبخ بكرا اممممم انا عم فكر نعمل ملوخيوة واوزي ايش رأيكم؟؟
ومن جهة الحلويات انا رح حضرلكم كعكة الشوكلاته وليالي لبنان Very Happy

ورح جيب من عند بابا تشكيلة شوكولاته من الي بحبها ئلبكم من شان الضيوف
اي على فكرة نجمة ايش قصة هدول الضيوف الي اجونا على غفلة من دون لا احم ولا دستور
اي ورح جيب معي كمان كولا وعصير مانجا انا بحبوا كتير Laughing

اممم ورح جيب كمان XL
اي وايت شي ناقص للبيت احكولي من شان جيبوا من عند بابا ماشي
اي قبل ما انسى هتلر كنت بدي وصيك على كيس كبة مفرزة من سوبر ماركت الشفاء وكمان كيس خضار مشكل من شان الشوربة ماشي الله يسعدك
هلا نجمة انا ايش بدي البس بس يجوا الضيوف متحيرة بين الفستان الزهري والتوينز الازرق ايش رأيك انتي
على فكرة نجمة وورود انا بكرا بدي روح على الجامعة بدي ارجع حبيبتي وشوف البيت مرتب اي لاني شايفتكم صايرات كسولات في هالرمضان كتير مو شاطرات الا بالنوم والتلفزيون
ومن شان شالك النهدي ولا يهمك انا رح اعطيكي شال من عندي انشاء الله يعجبك ولا يهمك احنا خوات لبعض Smile

ما تنسوا السحووووور عيروا الجوال ماشي

عنجد هالطبخه من تحت ايدي شي ناهي Laughing

..على قول ابو جودت ..........اي طبعا ما توصي حريص لانه انا ما بوكل مقلوبه الا بسلطه على ئول رقيقه لزيزه كتير مو اشويه Laughing

يالله خذوا اتحلو النواعم الي اعملتها واحكوا رايكم Laughing

هو صحيح انحرقت اشويه بس زاكيات وما حد يقولي غير هيك Laughing

واحكولي اذا اكلتوا اصابعكم ولا لسه!!؟؟ Laughing

لالالالالا ما حد محتج واذا في حدا فبكل بساطه بشرف على المطبخ وبيعمل الي بدو اياه وهو حر ساعتها انا بكون اعملت الي عليه وطبخت وبعدين مين هاد الي ما بحب المقلوبه؟!!!!

اي والله كتر خيرهن شو شطورات وكمان حضرتك الي حاكيلهن!!طيب ماشي يا شطور وجزى عليكم اتفضلوا اشتغلو شغل البيت وانا ما بدي اشتغل شي امنيح هيك وهتلر اول واحد في الشغل وياريت توقف على المجلى عشان الجلي او تشطف معي وبعيني الله رح اساعدكم اختار لشوف هاد جزاتك لانه ما خليتهن يشتغلن ومعلمهن الكسل والنوم Laughing

عنجد بتحكي؟!! .......تضرب اي ...........هلأ بدك تجيبه وما بعرف كيف وين المهم اني بدي اياه ولا اي شال ممكن اغير عنه وبسرعه يالله Sad

وبعدين من امتى هالنظام والنظافه؟!!ومن امتى بترمي شي من دون ما تسال لمين هاد اه؟!!وهلا شو اعمل بحالي انا
الله يرحم اهل زمان ما خلو شي ما قالوه ال قول للمستعجل يحط راسه وينام
وهلا هتلر معك ساعتين فقط لا غير بدو يكون الشال النهدي تبعي موجود قدامي Twisted Evil

...........ماشي
مليووووون شال ما رح يكونوا متل شالي Sad

ضيوف يعني ضيوف شو حرمتوا الضيوف كمان؟؟؟؟؟!وبعدين مين قال فجأه ليكهم اعطونوا علم قبل بوقت وانا عم خبركم فجهزوا حالكم كلكم شباب وصبايا والانسه رقيقه لا تلبسي لا الفستان ولا التونز لانه في زلام رح يجوا يعني البسي طقم رسمي او شي مستر Laughing

يالله عليكم دايما بتعملو هيك خلصوني اكل لسه قاعدين بوكلوا خلص بكفي اكل معدتكم مو الكم Laughing

خلصوني بدي الحق اجلي واخلص حالي قبل ما يجيو الضيوف ولا اقولكم كلوا على راحتكم ورقيقه ورود المحبه بجلوا

ييييييييييي علينا رقيقه بكفي اكل شو انتو ما بتشبعوا لسه سحور وفطور مقضينها؟؟؟!!الواحد طلعت روحه

باباااا!!ليش شو ببيع ابوكي ؟؟؟؟؟
بلالالالالا شو يا ستي ما رح اشتغل شي صرتن تعملن الجامعه حجه وريحات جايات ال يعني العلم جايه من مالطه ومتل ما انتن ما اشتغلتن لما رحت انا على الجامعه انا ما رح اشتغل شي Laughing

صح هتلر؟؟!!

بالنسبه للسحور شو الناس بتسحر يعني؟؟؟؟؟؟؟متلنا متل الناس في غير اللبنه والجبنه والشمينت والحمص اهم اهم شي في السحور كله جبنه مقليه عشان تموتوا عطش Laughing

ي شباب ايش رح نطبخ اليوم رح يادن المغرب واحنا عم نتحزر Cool

يلا قرروا خلصوني بدنا نلحئ نحضر الاكل
اي نجومي حبيبتي بابا ببيع كل شي بدك اياه واكيد احنا ما رح نشتري بفلوس والله ما احلانا واحنا رايحين نشتري بفلوس من عنده
ومن شان الضيوف رح البس الطقم البترولي ايش رأيك Very Happy

ومن شان شغل البيت خلص ولا يهمك عندي الحل
هاد يا ستي كل يوم الشغل على اتنين ماشي
هيك ما رح حدا يزعل اي

مممممممممم يا ستي رح نطبخ صواني بطاطا شو رايكم؟؟؟؟بس بشرط على جاج مو على لحمه ؟!!!!لانه ما بحبها للحمه الخروف والعجل وما بعرف شو؟!! سهله وما بدها شي لانه قرب المغرب ياذن بسرعه نعملها شو موافقين؟!!.......السكوت علامة الرضى خلص رح نطبخها يالله رقيقه الاحساس وورد الحقوني على المطبخ لنجهز الطبخه بسرعه ها مو سنه لتلحقني وسيد هتلر اتركهن في حالهن خليهن يجن لسه قاعدات بلعن بكلام فاضي Laughing

تحبك العافيه والسعاده يا حء يا رقيقه .............طيب وصيلنا اياه على اشويه بيتفور وعجاه ومشكله حلو للضيوف واوعو حد يفتح بطنه انه رح يوكل منها Laughing

بمزح على حسابكم ولوووووووو Laughing

اي كتير حلو وملائم لبشرتك كتير خليكي عليه وما تغيري رايك اوك

المهم هلأ طمنوني حد لقلي الشال تبعي يا هتلر؟!! لسه قاعد لهلأ ولك فز بسرعه جيبه وين رحت فيه؟!! Sad

لا مو منيح هيك نحنا رح نقسم شغل البيت اليومي علينا يعني وحده للشطف ووحده للجلي وهيك

له له مين كاسر الريموت يا هتلر؟؟؟؟؟!!ماشي رح احكي لبابا خليه يخصم حق ريموت التلفزيون من مصروفك Razz

على كل حال يا صبايا بكره بعد الافطار رح ننزل على السوق اوك لحتى نشتري اواعي عيد وما بدي حد يتأخر ليكني عم احكيلكن من هلأ وبعض ناس يخلصوا حالهم بكير مو سنه في البس!!! وما تهكلو هم للدفع ليكو هتلر مووجود للدفع Smile

» الى منتدى واحة الحاسوب.....
» سجن واحة الحاسوب الثقافي
» اضخم مكتبة حصريا على المنتدى واحة الحاسوب
» وداعا ً يا منتدى واحة الحاسوب وداعا ً
» اكتب اسمك وشوف بيتك