بيت واحة الحاسوب بيتك

تذكير بمساهمة فاتح الموضوع :

اللعبه عجبتني جدا

وهي عباره عن
ان كل اعضاء المنتدى يكونو اخوات في بيت العيله

كلنا في بيت واحد

وبيبقى في حوارات ومشاكل مع بعض

مثلا

س: واحد يصحي اخوه ويقوله جعااااااااااااااااااااااااااان قوم اعملي افطر

ج : ويجي العضو اللي بعده يقوله خليني انام اشوي انت ما بتشبع ....
تخيل كانك في بيتكم وخلينا نشوف شو الي رح يصير

وهكذااااااااااااااا

طبعا هيك اللعبه ممكن تكون مفهومه
اي شي ييجي على بالكم قولوها بس طبعا لازم نحافظ على الاخوة اللي بينا

انتي حرة نجمة بس هاد مو سبب مقنع لقلة الدراسة انتي الي ما بدك تدرسي على كل حال انا ما دخلني فيكي انتي حرة
بس انا حابب انصحك
اوك راح كمان اسكرالتلفزيون و ما احكي اذا هيك بريحكم ويعدين يانجمة مين حكالك اني ما بحكيلهم انا بحكيلهم ما بدي
حدا يوصيني ماشي وانا كمان داخلي انااااااااااااااااااااام وما حد يصحيني على الفطور اوك

حمدالله علي السلامه يا ست ورود

مكنتى تكمليها 5 ساعات

انا بدي احكي لبابا انك اتاخرتى Razz

ايووووووووووه شطوره ورود المحبه ما دخلك فيه خلص امتى بيجي على بالي بدرس
اتركيني على راحتي
على فكره انا مصدعه شويه وبدي حد يعملي كاسه لمون

اصحى من النوم يا محمد

انت كل ما تنام تحلم حلم غريب

وتقلقنا معاك
وبعدين؟!!

انا مش عارفه انام Sad

الله يسلمك نجمة وانتي شو دخلك نفسي افهم دايما حاشري حالك في شي ما بعنيكي وبعدين فيكي
وعلى كل حال احكي لبابا مو مشكلة بابا واثق مني وما بزعل انتي بس اطلعي منها ماشي

وبعدين بدل ما انتي بتلعي في خراف على الفاضي قومي اعملي لحالك كاسة لمون ولا بدك كل
شي يوصلك مثل عادتك يعني وبعدين دخيل الله خلي محمد يعرف ينام حتى بنومته مش مهنتي هو انتي
الى بتحلمي ولا هوووووو انا مو عارفة

واذا مش عارفة تنامي ياست نجمة اشربيلك حبت منوم او مهدء يمكن تنامي وتتريحي
وتريحينى شوووووي منك من صوتك وطلباتك

بعدين معكم نجمه وورود ما بلحق اغيب شوي الي تعملن مشكله ما بدكن تكبرن وتعقلن
هاد اخر انذار والمره الجايه رح اعاقبكن
غير هيك خفوا عن محمد شوي الصبي عنده دراسه وانتن دوشتن بطلباتكن
يله وحده على الجلي والتاني على الغسيل بدي الدار توج نضافه مفهوم

شبك قطر الندى معصبه!!هدي وروئي
بلا شوووووووو شو عقاب ما عقاب نحنا مو صغار لحتى نتعاقب

ليش شو عاملين مع محمد خافين عنه على الاخيرررر
ولكان مين يروح يشتريلنا اغراض للبيت والنا كمان
خلص قطر الندى انتي روحي واشتريلنا لانه انا ما برووووووح وما دخلني اذا الصبي ما يروح يشتريلنا مين يروح!!!

انا مو فاضيه لا لجلي ولا حتى للكوي بدي اروح ادرس اخي الصغير وبعدها ادرس كلمتين هاد اذا انتو بتخلوا حد يدرس
ال كيف الواحد بدو يجيب علامات واطيه ....مهو من تحت راسكم لانه دايما دوشه واصراخ وما بتعرفوا تعملوا كل شي على الهدوء وال شو
كمان اشتغل مو فاضيه هلا انا

يا قطر الندى شوفي مين على الباب بدل ما انتي واقفه Very Happy

ما حد بيسمع الكلام فى البيت هاد !!

هدين شوي يا بنات..كمان شوي اعملن انتفاضة فلسطين..صحيتوني من النوم..ما نمت شي بالمرة
انا بدي اتغدى شو طابخيلنا اليوم..انا بدي اروح على المدرسة..اوك

ماشي يا نجمه انتي بتجيبي علامات واطيه لانك ما بتحب الدراسه مقضتيها على النت والتلفزيون ووقت الشغل بتحكي بدي ادرس
وانتي كمان domo3 alward ما بتفكري في الاكل ما حد طبخ اليوم لان الكل مشغول في الطوش وماشاء الله عنكم الكل بيركن على غيره
من اليوم وطالع كل واحد منكم بيخدم نفسه بنفسه
شو هاد يا ازهقت منكم
بدي اترك البيت واطلع احسن

ليش نحنا ناقصين انتفاضات لحتى نعمل انتفاضه!! Very Happy

هههههههههههههه انا بجيب علامات واطيه!!طيب ماشي
انا بحب ادرس لما يجي على بالي ادرس وغير هيك لالالالالا يعني بدرس ساعتين باليوم بس يكون
جاي على بالي ادرس بكفوني وبجيب علامات لاني ذكيه Very Happy

بس من الدوشه والصوات والطلبات الكتيره
اكيد ما رح اقدر ادرس

شو هاي كل واحد يخدم حاله بحاله!!نحنا في بيت واحد يعني كلنا واحد
قطر الندى انتي الكبيره فينا ولازم ديري بالك علينا احسن ما لما يروحوا اهلي من السفر بحكيلهم انك ما قمتي بواجبك
لانهم اركنو عليكي صح؟؟؟؟

لالالالا وين بدك اتروحي ما بصير والله Very Happy

ما بنقدر نستغني عنك نحنا

هههههههههههه
والله برافو عليكم
اكيد حد من هالمخرجين او المنتجين راح يعجبو هاد النص يعني حلقة حلوه
هههههههه

عالعموم طول ما انا بقرأ بالموضوع وانتوا على سيرة المقلوبه والمفتول
عالعموم احنا اليوم طبخنا مفتول (عنجد مش مزح) وناوين بكره على مقلوبه(بصراحه لو كل يوم مقلوبه ما عندى مانع)
عشان هيك الكل معزوم بكره اتفضلوا
وخلينا نشوف مين مقلوبته ازكي
بس ملاحظه انا بحي المقلوبه مع لبن اكتر من السلطه
بعينكم الله حد يجيب معه لبن (ويكون تاريخه جديد هه)

يلا سلام صارت الساعه تنتين وانا نعست
باي

ماشي استاذه انا موافق لاني من الصبح ما اكلت شي بس ان شاء الله يطلع الاكل زاكي
واذا على اللبن مو مشكله بعيني الله على حقه انا بجيبه يله بس عندي شرط
انا اذا نجمه اجت ما بدي اجاي .....

اها انا موافقه طبعا حد بصحله اكل على الجاهز وبقول لالالالالالالالالالالا
انا رح اجي ومو مشكله اللبن بجيبه معه امري لله شو بدي اعمل يعني!!!

ههههههههههههههه اي بتوفري قطر الندى ما تيجي لانه انا رايحه لشوف مين الخسران
انا مو خسرانه شي بالعكس انتي الخسرانه قطر الندى Razz

ماشي يا نجنه بتجاكرين والله الي اروجيكي
شو رايك ما في حد يطلع برا البت اليوم ورح تتغدي زيت وزعتر
مو عللى اساس انا الكبيره الي لازم ادير بالي عليكم وكمان لازم تسمعي الكلمه ... اظن واضح
بعرف بشو بتفكري رح تحكي شو هالاخت المتسلطه اذا ما عجبك دوري على اخت غيري تكون على مزاجك

يؤيؤيؤيؤيؤيؤيؤيؤ بعدين فيكم في هالضجة مشان الله اسكتو ما بتنامو ولا بتخلووو حدا ينام وبعدين يعني
ماشي بس تيجي ماما صدقوني الا احكيلها عشان تتعلمووووووووووووو
وبعدين بدل ما انتو متكاتلين على مين يروح ومين ما يروح شوووو رأيك يا قطر تروحي تطبخيلنى انتي مو على اساس انتي الكبيرة
والمسؤولة عنى كمان ولا على اشي واشي يعني وحتى لووووو رحتي ياست قطر شوووووووو يعني لو اخذتي اختك معك
شو رح يصير يعني وكمان احنا حرين نطلع وين ما بدنا ما حد بيمنعنا وانا مو مجبورة اتغدى زيت وزعتر
بوصي على التلفون اكل جاهز

انا ما بحب المجاكره بس انتي الخسرانه انا مو خسرانه شي
راح عليكي يا قطر الندى مقلوبه زاكيه كتير
يا حرااااااااااااااااااااام خلص ما تبكي المره الجايه بوخذك معي Smile

مالك يا ورود معصبه !!انا ما اعملت شي انتي بتعرفي اني هاديه هاد صوت الاستاذه وقطر الندى و بنت الياسر و............

شايفه يا ورود المحبه ال اذا انا رحت على الغدا قطر ما رح تيجي بتوفر صح؟!! Very Happy

ورود احسبي حسابي بالغدا معك لانه ال قطر الندى بدها تغديني زيت وزعتر

ما في يوم بدي اروح فيو من المدرسة مروقة..بتيجو انتو بتنزعو مزاجي..شو هاد يا..انا طالعة على غرفتي..عشان تتقاتلو وتصوتوا على راحتكم..اووووف يا

هههههههههههههههههههه
مين بدو ياكل يطلب مني مستعده اعمله الاكل اللي بدوا اياه
تحياتي ليكم

اوووووووف يا العيشه معكم ما عاد تنطاق والله بتعصبوا الي عمره ما عصب
خلص اسكتوا جميعكم وانا كمان رح اسكت من شان ترضواا
اهدوااااا حكيت اهدوااا
نجمه بس ولا نفس !!!
وانتي كمان ورود حاجتك حكى
خلص انا هديت
يله يوم جديد ونبلش من جديد :

خلص ما اتعصبي domo3 alward هدي حئك علينا
يسلمو ايديكي اسيرة الاحزان لما بدنا شي كنا نعمله مع بعض انتي ارتاحي Very Happy

راحتك اهم شي

يؤيؤيؤيؤ قطر الندى شبك؟؟؟؟؟ما حد حكى معك شي لحتى اتعصبي
نحنا هادين وما شاء الله عنا انتي الك سنه عم تلعي على البلفون خلصي بدي اتصل اتصال ضروري

هااااااااااا انا صحيت صباح الخيرررررررررررر

صبااااااااااح النوررررررررر والورد والفل والياسمين والنرجس لأحلى نجمة

صباح فل وياسمين لأحلا الحلوين

ربي يهديكم جمعياتكم..وتضلو هاديين هيك..آمييين
وينكم راح آخذكم رحلة عشان اتصالحتوا مع بعض وما بدي احتجاج..اوك

ماشي domo3 alward بدنا مكن حلو

انا ما رح احتج بس وين بدنا انروح ؟؟؟؟؟!!
اوك انا موافقة ما في شباب معانا يروحوا
انا بقول انه انروح على مخماس برام الله
طبعا يوم الجمعه لانه الكل بكون معطل ومرتاح

الفطور معجنات والغداء مممممممممممم شو رايكم اتصوموا لانه كتير مفيد الصوم وبعود على الصبر Very Happy

يااااااربي شو بدنا نحمل اغراض لنحمل خلص اسمعوا مني واشتروا جاهز احسن

طيب الساعه 8 صباحا الكل يكون جاهز والي رح يتأخر نحنا ما دخلنا بعرف انه ما رح اتناموا وانتو عم تجهزوا حالكم
والي بسمع بقول رايحين الله اعلم وين ال يعني مكان بستاهل

بس مين الي رح يسوق؟؟!!انا خايفه على حالي Very Happy

شوووووووووووووو نجمة لاءءءءءءءءءء ما بدنا نروح على المخماس وعلى ما بعرف وين والله زهقنا هاي المناطق بدنا نغير
وبعدين كيف بدك تروحي من دون ما يكون معك رجال هوووووووو اصلا بصير هيك
وبعدين يا نجمة في حدا بصوم يوم الرحلة ومين الي حكى كمان نجمة الي الاكل اشي اساسي عندها
وبعدين لوووووو بدك تشتري جاهز هيك راح تكون المصاريف زيادة مو ضرورية
وانا كمان ما بعرف مين الى بدو يسوق السيارة الله اعلم مين حابب يسوق السيارة فيكم
وبعدين على هوى شغل الرحلة الكل بدو يتقسم عليه والكل بدووو يشتغل وما بدي مكاتلة وعصبية
اوك

» الى منتدى واحة الحاسوب.....
» سجن واحة الحاسوب الثقافي
» اضخم مكتبة حصريا على المنتدى واحة الحاسوب
» وداعا ً يا منتدى واحة الحاسوب وداعا ً
» اكتب اسمك وشوف بيتك